Jógvan Isaksen (1950) er best kendur fyri sínar krimisøgur, staðsettar í Føroyum.
Hann hevur eina Master útbúgving í Norðurlendskum bókmentum og hevur undirvíst í føroyskum bókmentum og máli á Universitetinum í Keypmannahavn síðani 1986.
Jógvan hevur útgivið eina rúgvu av bókum um føroyskar bókmentir, men hann gjørdist rættiliga víða gitin tá fyrsta av fleiri krimisøgunum um Hannis Martinsson varð útgivin (Blíð er summarnátt á Føroyalandi) 1990.
Sjónvarpsrøðin TROM er bygd á fleiri av hesum krimisøgunum. Fleiri av skaldsøgunum hjá Jógvani eru týddar til onnur mál og hann hevur eisini vunnið Mentanarvirðisløn M.A. Jacobsens og Petrona Award fyri bestu skandinavisku krimisøgu. Seinasta skaldsøgan hjá Jógvani er Kavafonnin grætur (2025)